Notitia vuirpitionis foras Matisconum, in potestate Sancti Martini, in mense octobri, ante presentiam donni Maioli, abbatis, et cęterorum monachorum quorum nomina hec sunt: Eldebrannus, Eldricus, Grimaldus, Oddo et Vuido, necnon et laicorum Bererius, Constantius. Ibi, in eorum presentia, venerunt duo fratres, Constantius et Amblardus; vuirpiverunt Sancto Petro et donno abbati Maiolo, et fratribus, hoc est vineam, curtilum et campum insimul tenente, qui est in pago Matisconensi, in agro Meloniacense, in villa Fontanilias; terminatur a mane via publica, a medio die Sancti Vincentii, a sero via publica, a circio Ermenaldi. Infra isto terminio, vobis reddimus et vos nobis donastis de vestro argento valente solidos triginta V; et post hoc dehinc faciant rectores supradicti cenobii quicquid facere voluerint, nullo contradicente. Si quis vero hoc contradixerit, auri uncias III persolvat. S. Constantii. S. Constantioni. S. Amblardi, qui hoc fecerunt et firmari rogaverunt. S. Bererii. S. Dagoberti.